минажарылғыш бөгеттер

(Минновзрывные заграждения)

қарсыласты шығынға ұшырату, қозғалысын тоқтату, маневрін қиындату мақсатында жергілікті жерлер мен объектілерге қойылған миналы алаңдар, миналар тобының, жалғыз мина және жарғыш заттар зарядтарының жүйесі. М.ж.б. әрдайым ұрысқа дайын тұрады, табылуы қиын. Бұл бөгеттер инженерлік бөгеттердің негізін құрайды. Ал олардың құрылымы — инженерлік жабдықтаудың ең маңызды міндеттерінің бірі. Атқаратын қызметіне қарай М.б. танкіге қарсы, жаяу әскерге қарсы, десантқа қарсы болып, жұмыс істеу тәсіліне байланысты басқарылмайтын және басқарылатын болып бөлінеді. Басқарылмайтын М.б. — бұл ұрыс жағдайында тұратын және қарсылас әрекет еткенде жұмысқа қосылатын миналары бар миналы алаңдар. Басқарылатын мина жарылғыш бөгеттерге қойылғаннан кейін қашықтықтан басқару арқылы ұрыстық немесе қауіпсіз жағдайға ауыстырыла алатын миналар жатады. М.ж.б. әскерлердің ұрыс қимылдарының барлық түрлерінде қолданылады. Қорғаныста олар ұрыстың мәніне сәйкес, атыс жүйесімен, табиғи кедергілермен байланыстырыла, өз әскерлерінің маневрлерін есепке ала отырып құрылады. М.б-дің негізгі сипаттамасы олардың тығыздылығы. Мина жарылғыш бөгеттер инженерлік әскерлердің күшімен қойылады. Сондай-ақ бұл жұмысқа әскер түрлерінің басқа да бөлімшелері мен бөлімдері де қатыстырылады.